သတင်းထုတ်လွှင့်ချက် - ( EP - 150 )
ဇူလိုင်လ ၂၁ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ……… မော်မြိုင်မြို့မှာ ရေကြီးရာကနေ ကလေးငယ် ၃ ယောက် ရေနစ်သေဆုံးသွားပါတယ်။
ကရင်ပြည်နယ်၊ ကြာအင်းဆိပ်ကြီးမြို့နယ်မှာ စစ်တပ်က ဖမ်းဆီးခေါ်ဆောင်သွားတဲ့ ပြည်သူ ၁၉ ယာက်ဟာ ဒီနေ့အချိန်အထိ ပြန်မလွတ်လာသေးပါဘူး။
လားရှိုးမြို့က ဇွဲထက်ရွှေဆိုင် ဗုံးပေါက်ကွဲမှု ဖြစ်ပွားပြီးနောက် ဒေသခံ ၁၀ ယောက်နဲ့အထက်ကို စစ်ကောင်စီက ဖမ်းဆီး ထားပါတယ်။
ဧရာဝတီတိုင်း ပုသိမ်မြို့မှာတော့ အစားအသောက်၊ ကုန်စိမ်းနဲ့ သားငါးတွေကို ရောင်းချရာမှာ ဖက်နဲ့ထုတ်ပြီး ရောင်းရမယ်လို့ စစ်ကောင်စီက ထုတ်ပြန်ထားပေမယ့် မရောင်းတဲ့သူတွေ ဖမ်းဆီးခံရပြီး ဒဏ်ငွေဆောင်နေ ရပါတယ်။
သတင်းပေးပိုချက်ထဲမှာတော့ မြန်မာ့အရေးနဲ့ ပတ်သက်ပြီး နိုင်ငံတကာ အပါအဝင်၊ အိမ်နီးချင်းနိုင်ငံတွေကို လက်ရှိ တော်လှန်ရေးကို ဦးဆောင်နေတဲ့ အမျိုးသားညီညွတ်ရေးအစိုးရ (NUG) အနေနဲ့ ဘယ်လိုချဉ်းကပ် လုပ်ဆောင်သင့်သလဲ။ စတဲ့ သုံးသပ်ချက်တွေကို သတင်းပေးပို့ချက်ထဲမှာ ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
