သတင်းထုတ်လွှင့်ချက် - ( EP - 165 )
ဩဂုတ်လ ၂၅ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ------- ကရင်နီပြည်နယ် ဖရူဆိုမြို့နယ်မှာ စစ်ကောင်စီတပ်က Drop Bomb နဲ့ တိုက်ခိုက်ခဲ့တဲ့အတွက် အရပ်သား ကလေး ၃ ယောက် ထိခိက်ဒဏ်ရာ ရရှိခဲ့ပါတယ်။
ပဲခူးတိုင်း ညောင်လေးပင်ခရိုင်မှာ စစ်ကောင်စီတပ်က နေအိမ် တစ်ရာ့နှစ်ဆယ်ကျော်ကို မီးရှို့ဖျက်စီးခဲ့ပါတယ်။
ကရင်ပြည်နယ်မှာတော့ B.G.F တပ်သား တစ်ယောက် လက်နက်ခဲယမ်းနဲ့အတူ ကရင် အမျိုးသားလွတ်မြောက် ရေး တပ်မတော် (K.N.L.A) - ပူးပေါင်းတပ်ဖွဲ့ဆီကို လာရောက် အလင်းဝင်ခဲ့ပါတယ်။
စစ်ကောင်စီက ထုတ်ဝေလိုက်တဲ့ နှစ်သောင်းတန် ငွေစက္ကူတွေကို ပုဂ္ဂလိက ဘဏ်တွေနဲ့ ငွေကြေးဝန် ဆောင်မှု လုပ်ငန်းတွေမှာ သုံးစွဲတာတွေ မလုပ်ကြဖို့ အမျိုးသားညီညွတ်ရေး အစိုးရ NUG က တားမြစ်လိုက်ပါတယ်။
သတင်းပေးပို့ချက်ထဲမှာတော့ စစ်အာဏာသိမ်းပြီးနောက် ၂ နှစ်တာ ကာလအတင်း ကရင်နီပြည်မှာစစ်ကောင်စီ တပ်က အရပ်သား ပြည်သူ ၃၀၀ ကျော်ကို သတ်ဖြတ်ခဲ့တယ်ဆိုတဲ့ သတင်းပေးပို့ချက်ကိုကြားကြရ မှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
