သတင်းထုတ်လွှင့်ချက် - ( EP - 171 )
စက်တင်ဘာလ ၁၃ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ .......... နာဂကိုယ်ပိုင် အုပ်ချုပ်ခွင့်ရဒေသ လဟယ်မြို့မှာ ကျောင်းသုံး ဖတ်စာအုပ်တွေ မရသေးတာကြောင့် ကျောင်းသူ/သားတွေ သင်ကြားရေးပိုင်းမှာ အခက်အခဲတွေ ဖြစ်နေကြပါတယ်။
နာဂလက်နက်ကိုင်အဖွဲ့ဖြစ်တဲ့ နာဂအမျိုးသား ဆိုရှယ်လစ်ကောင်စီ NSCN-K အဖွဲ့ နဲ့ ခွဲထွက်ရေးအဖွဲ့ NSCN - အန်းမိုင်အဖွဲ့တို့ အကြား တိုက်ပွဲဖြစ်ပွားခဲ့ပြီး ခွဲထွက်အဖွဲ့ဘက်က ၃ ယောက် သေဆုံးခဲ့ပါတယ်။
ကချင်ပြည်နယ် ပူတာအိုမှာ ဘေချီ ဆေးဥရှာဖွေရင်း ဩဂုတ်လအတွင်း သေဆုံးသူ ၉ ဦးအထိ ရှိလာတယ်လို့ ဒေသခံတွေက ပြောပါတယ်။
နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့မှာ ဆိုင်ကယ်တစ်စီးကို အမျိုးသားနှစ်ယောက်စီးပါက ဖမ်းဆီးကာ ထောင်ဒဏ်ပါ ချမှတ်နေတယ်လို့ ဒေသခံတွေက ပြောပါတယ်။
သတင်းပေးပို့ချက်ထဲမှာတော့ ကချင်ပြည်နယ် ဗန်းမော်ခရိုင်ထဲမှာ စစ်ကောင်စီတပ်သား ၃ ယောက် CDM လုပ်လာတယ်ဆိုတဲ့ သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
