သတင်းထုတ်လွှင့်ချက် - ( EP - 177 )
စက်တင်ဘာလ ၂၅ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ .......... ကော့သောင်းမြို့နယ်အတွင်းက တိုက်ပွဲကြောင့် ဒေသခံတွေ ထိုင်းဘက်ခြမ်းကို ထွက်ပြေးတိမ်းရှောင်နေရပါတယ်။
တနင်္သာရီတိုင်း မြိတ်ခရိုင် ကျွန်းစုမြို့နယ်မှာ စစ်ကောင်စီတပ်ရဲ့ လက်နက်ကြီးပစ်ခတ်မှုကြောင့် နေအိမ်တွေ ထိမှန်ပျက်စီးခဲ့ပြီး ရွာသားတွေလည်း ရွာလုံးကျွတ်ထွက်ပြေးတိမ်းရှောင်နေရပါတယ်။
မြိတ်ခရိုင်၊ ပုလောမြို့နယ်၊ ပလမြို့က အမျိုးသား ၅ ယောက်နဲ့ အမျိုးသမီး ၁ ယောက်ကို စစ်ကောင်စီတပ်က ဖမ်းဆီးခေါ်ဆောင်သွားပါတယ်။
ထားဝယ်ခရိုင် ရေဖြူမြို့နယ်မှာ စစ်ကြောင်း ထိုးလာတဲ့ စစ်ကောင်စီတပ်က နေအိမ်တွေကို မီးရှို့ဖျက်ဆီးခဲ့ပြီး အရပ်သား တချို့ကိုလည်း ဖမ်းဆီးထားတယ်လို့ ရွာသားတွေက ပြောပါတယ်။
သတင်းပေးပို့ချက်ထဲမှာတော့ စစ်ရေးတင်မာနေတဲ့ ကချင်ပြည်နယ်မှာ စစ်ကောင်စီတပ်ရဲ့ စစ်ကြာင်းထိုး ဝင်ရောက်လာမှုတွေကြောင့်လည်း တိုက်ပွဲဆက်လက်ပြင်းထန်လာ နိုင်တယ်ဆိုတဲ့သုံးသပ်ချက်တွေ ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
