သတင်းထုတ်လွှင့်ချက် - ( EP - 182 )
စက်တင်ဘာလ ၃၀ ရက်၊ ၂၀၂၃ ခုနှစ်။
KNU ထိန်းချုပ်နယ်မြေထဲက စစ်ကောင်စီတပ်ရဲ့ အခြေအနေ ဘယ်လိုရှိနေသလဲ (သတင်းဆောင်းပါး)
ကရင်ပြည်နယ်နဲ့ ကရင်အမျိုးသားအစည်းအရုံး KNU ထိန်းချုပ်နယ်မြေ၊ စစ်ရေးလှုပ်ရှားမှု နယ်မြေတွေထဲ စစ်ကောင်စီတပ်က မြေပြင်မှာ အဖက်ဖက်က ရှုံးနိမ့်လာနေပြီး ထိုးစစ်မထိုးနိုင်တော့တဲ့အပြင် ပုံမှန် လုပ်နေကြ တပ်အချိန်းအပြောင်းကိုတောင် မလုပ်နိုင်တော့ဘူးလို့ ကရင်အမျိုးသား လွတ်မြောက်ရေး တပ်မတော် KNLA က ပြောပါတယ်။
ဒီအခြေအနေအောက်က KNLA ပူးပေါင်းတပ်တွေက စခန်းသိမ်းတိုက်ပွဲတွေကိုလည်း ဆက်တိုက် ဆင်နွှဲနိုင်နေပါတယ်။ လက်ရှိ စစ်ရေးအခြေအနေပေါ် မူတည်ပြီး KNU အနေနဲ့ ဖက်ဒရယ် ဒီမိုကရေစီ နိုင်ငံ ထူထောင်နိုင်ဖို့အတွက် မြန်မာ့နိုင်ငံရေးမှာ စစ်တပ်မပါတဲ့ တပ်မတော်တစ်ခုကို တည်ဆောက်ဖို့ကို ရည် မှန်းချက် ချထားတဲ့အပြင် လုံခြုံရေးနဲ့ အုပ်ချုပ်ရေးကဏ္ဍတွေကိုလည်း ဖက်ဒရယ်ဖွဲ့စည်းပုံအသစ်နဲ့အညီ အစားထိုးသွားရမှာ ဖြစ်တယ်လို့ ပြောဆိုလာပါတယ်။ ဒီအကြောင်းကိုစုစည်းတင်ဆက်ပေးထားပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
