သတင်းထုတ်လွှင့်ချက် - ( EP - 185 )
အောက်တိုဘာလ ၁၉ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ --- မြိတ်မြို့မှာ ဘုရားဖူးလာ သူတွေဆီကနေ စစ်ကောင်စီတပ်က ခြိမ်းခြောက်ပြီး ငွေကြေးတောင်းယူမှုတွေ ရှိနေပါတယ်။
ထားဝယ်တက္ကသိုလ် ဒုတိယနှစ်ကျောင်းသားတစ်ဦးကို စစ်ကောင်စီရဲ့ ထားဝယ်အကျဥ်းထောင်တွင်း တရားရုံး ကနေ နှစ်ရှည်ထောင်ဒဏ် ချမှတ်လိုက်ပါတယ်။
ရှမ်းပြည်နယ် မြောက်ပိုင်းမှာ စစ်ကောင်စီတပ်နဲ့ ကိုးကန့် တပ်မတော် MNDAA တပ်တို့ အကြား တိုက်ပွဲ ဖြစ်ပွားတာ မရှိပဲ ရပ်တန့်ရာကနေ တိုက်ပွဲ ပြန်လည်ဖြစ်ပွားခဲ့ပါတယ်။
ထားဝယ်မှာတော့ စစ်ကြောင်းထိုးလာတဲ့ စစ်ကောင်စီတပ်က နေအိမ်တွေကို မီးရှို့ဖျက်ဆီးခဲ့တယ်လို့ ရွာသား တွေက ပြောပါတယ်။
သတင်းပေးပို့ချက်ထဲမှာတော့ စစ်ကောင် စီတပ်က အရပ်သားပြည်သူတွေကို ဘာကြောင့် ပိုပြီး ပစ်မှတ်ထား တိုက်ခိုက်လာတာလဲ ဆိုတဲ့ သုံးသပ်ချက် သတင်းပေးပို့ ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
