သတင်းထုတ်လွှင့်ချက် - ( EP - 186 )
အောက်တိုဘာလ ၂၀ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ --- စစ်ကိုင်းတိုင်း ဒီပဲယင်းမြို့နယ်မှာ စစ်ကောင်စီတပ်က ရွာတွေထဲကို ဝင်ရောက်စီးနင်းပြီး ထောင်ထား ခဲ့တဲ့ မိုင်းတွေ နဲ့ လက်နက်ကြီး ပစ်ခတ်မှုတွေကြောင့် အရပ်သား ၁၅ ယောက်ထိခိုက် ဒဏ်ရာရရှိခဲ့ပြီး တစ်ယောက်သေဆုံးခဲ့ပါတယ်။
တနင်္သာရီမြို့နယ်မှာ စစ်ကောင်စီတပ်က ပစ်ခတ် လိုက်တဲ့ လက်နက်ကြီး ထိမှန်ပြီး ဒေသခံတစ်ဦး သေဆုံးခဲ့ ပါတယ်။
စစ်ကိုင်းတိုင်း ကန့်ဘလူမြို့နယ်မှာတော့ စစ်ကောင်စီတပ်ရဲ့ စစ်ကြောင်းထိုးဝင်ရောက်လာမှုကြောင့် ဒေသခံ သုံးထောင်ကျော် ဘေးလွတ်ရာကို ထွက်ပြေးတိမ်းရှောင်နေရပါတယ်။
သတင်းပေးပို့ချက်ထဲမှာတော့ … မိုးဗြဲရေကာတာ ဖောက်ချမှု ကြောင့် စစ်ဘေးရှောင်တွေရဲ့ လယ်ဧက ၅၀၀ နီးပါး ရေနစ်မြုပ် သွားတဲ့အပြင် အရေးပေါ် နေရာပြောင်းရွှေ့ နေရတယ်ဆိုတဲ့ အကြောင်း သတင်းပေးပို့ ချက်ကို ကြားကြရ မှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
