သတင်းထုတ်လွှင့်ချက် - ( EP - 190 )
အောက်တိုဘာလ ၂၅ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ --- KIO ဌာနချုပ်ကို ဝိုင်းပတ်ပိတ်ဆို့ဖို့ စစ် ကောင်စီတပ်က စစ်ရေးလှုပ်ရှားမှုတွေနဲ့ တိုက်ခိုက်မှုတွေကို လုပ်ဆောင်ခဲ့တယ်လို့ KIA စစ်ဦးစီးချုပ်က ပြောပါတယ်။
လွတ်လပ်ရေး ကြိုးပမ်းမှုကနေ နွေဦးတော်လှန်ရေးအထိ ကချင်အမျိုးသားခေါင်းဆောင်တွေနဲ့ ကချင်လူမျိုးတွေရဲ့ အမြော်အမြင် ကြီးမားမှု၊ ရင်းနှီးပေးဆပ်မှုတွေနဲ့ စွန့်လွှတ်အနစ်နာခံမှုတွေဟာ ပြည်သူတရပ်လုံး လွတ် မြောက် ရေးအတွက် ကြီးမားလှတဲ့ ခွန်အားတရပ်ဖြစ်တယ်လို့ အမျိုသားညီညွတ်ရေးအစိုးရ NUG ကာကွယ် ရေး ဝန်ကြီးဌာနက ပြောဆိုလိုက်ပါတယ်။
KNU တပ်မဟာ ၃ ညောင်လေးပင်ခရိုင် ကျောက်ကြီးမြို့နယ်နဲ့ ရွှေကျင်မြို့နယ်တွေမှာ စစ် ကောင်စီတပ်ရဲ့ လက်နက်ကြီး ပစ်ခတ်မှု ကြောင့် အရပ်သား ၃ ယောက် ထိခိုက်ဒဏ်ရာ ရရှိခဲ့တယ်လို့ KNU က ပြောပါတယ်။
ဖျာပုံထောင်တွင်း တရားရုံး က သေဒဏ် ၂ ကြိမ် နဲ့ နှစ်ရှည် ထောင်ဒဏ် အမိန့် ချခံရတဲ့ နိုင်ငံရေး ကျဉ်းသား ၇ ဦးကို အောက်တိုဘာလ ၂၃ ရက်နေ့က ပုသိမ်ထောင်ကို ပြောင်းရွေ့လိုက်တယ်လို့ အကျဉ်းဦးစီးဌာန အသိုင်းအဝန်းက ပြောပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
