သတင်းထုတ်လွှင့်ချက် - ( EP - 191 )
အောက်တိုဘာလ ၂၇ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ --- ၁၀၂၇ လို့ နာမည်ပေး ထားတဲ့ စစ်ဆင်ရေး ကို စတင်လိုက်ပြီလို့ ညီနောင်မဟာမိတ် ၃ ဖွဲ့က ပြောဆိုလိုက်ပါတယ်။
အင်းတော်မြို့နယ်က CDM ကျောင်းဆရာတစ်ယောက် အပါအဝင် ပြည်သူ ၂ ယောက်ကို စစ်ကောင်စီက ထောင်ဒဏ် တစ်သက် တစ်ကျွန်းနှင့် နှစ်ရှည်ထောင်ဒဏ်များ ချမှတ်လိုက်ပါတယ်။
ထားဝယ်မှာတော့ စစ်ကောင်စီတပ်က ဒေသခံတစ်ယောက်ကို ဖမ်းဆီးသတ်ဖြတ်သွားပါတယ်။ တအာင်းဒေသမှာ ပထမဦးဆုံးအကြိမ် တအာင်းဥ ပဒေ အကယ်ဒမီကျောင်းဆင်းပွဲကို ကျင်းပပြုလုပ်နိုင်ခဲ့တယ် ဆိုတဲ့ သတင်းနဲ့အတူ ရှမ်းပြည်နယ်မြောက်ပိုင်းက တိုက်ပွဲ အခြေအနေ အသေးစိတ် သတင်း ပေးပို့ ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
