သတင်းထုတ်လွှင့်ချက် - ( EP - 210 )
ဒီဇင်ဘာလ ၂၀ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ----- သတင်းတွေကတော့ လွိုင်ကော်မြို့တွင်းက တိုက်ပွဲများကြောင့် အကျဉ်းထောင် အတွင်းရှိ အကျဉ်းသား ၅၀၀ ကျော် ပိတ်မိနေတယ်လို့ ကရင်နီနိုင်ငံရေး အကျဉ်းသားများ အစည်း အရုံး KPPA ကပြောပါတယ်။
၁၁.၁၁ စစ်ဆင်ရေး တိုက်ပွဲအတွင်း စစ်ကောင်စီတပ်ရဲ့ လေကြောင်းတိုက်ခိုက်မှု၊ လက်နက်ကြီး ပစ်ခတ်မှု နဲ့ အကြောင်းမဲ့ ပစ်ခတ်သတ်ဖြတ်မှုတို့ကြောင့် အရပ်သား ပြည်သူ ၈၂ ဦး သေဆုံးခဲ့တယ်လို့ ကရင်နီအရပ်ဖက် အဖွဲ့အစည်းတွေက ပြောပါတယ်။
ရေဖြူမြို့နယ် ကံပေါက်ဒေသရှိ အုန်းပင်ကွင်းကျေးရွာမှာ အခြေစိုက်ထားတဲ့ မောရဝတီ ရေတပ်ဌာနချုပ် ဒရုန်းဖြင့် ဗုံးသီးချတိုက်ခိုက်ခံရတယ်လို့ တပ်တွင်းသတင်းအရင်းအမြစ်တွေနဲ့ ရွာသားတွေက ပြောပါတယ်။
ရှမ်းပြည်နယ် တောင်ပိုင်း၊ ညောင်ရွှေမြို့နယ်၊ အင်းလေးဒေသ၊ မင်းချောင်းအနောက် ကျေးရွာက ပျူစောထီး ၂ ယောက် ပစ်ခတ် ရှင်းလင်းခံလိုက်ရတယ်လို့ ရွာသားတွေက ပြောပါတယ်။
သတင်းပေးပို့ချက်ထဲမှာတော့ ကော်သူးလေပြည်နယ် တည်ထောင်ဖို့အတွက် ဘယ်အဖွဲ့အစည်း ဘယ်အာဏာ ရှင်မှ ဝင်ရောက်စွတ် ဖက်လို့မရတဲ့ ကိုယ်ပိုင် အုပ်ချုပ်ရေးစနစ်ကို စတင်လုပ် ဆောင်တော့မယ်လို့ ကရင်အမျိုး သား အစည်းအရုံး KNU က ပြောဆို လိုက်တယ်ဆိုတဲ့ သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
