သတင်းထုတ်လွှင့်ချက် - ( EP - 211 )
ဒီဇင်ဘာလ ၂၁ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ …… လပွတ္တာမြို့မှာ စစ်ကောင်စီ လက်အောက်ခံ စစ်သားနဲ့ ရဲတပ်ဖွဲ့ဝင် အင်အား နည်းပါးနေတဲ့အတွက် လူငှားပြီး ကင်းလှည့်နေရပါတယ်။
ထားဝယ်ခရိုင်၊ ရေဖြူမြို့နယ်၊ ကံပေါက်ဒေသမှာတော့ စျေးရောင်းနေတဲ့ အမျိုးသမီးတစ်ယောက်ကို မောရဝတီရေ တပ်က ဖမ်းဆီးသွားပါတယ်။
ဧရာဝတီတိုင်း ပုသိမ်အကျဉ်းထောင်ထဲမှာ စစ်ကောင်စီက သေဒဏ်ချမှတ်ထားတဲ့ နိုင်ငံရေး အကျဉ်းသား ၁၈ ဦး ရှိနေတယ်လို့ အကျဉ်းဦးစီးဌာနနဲ့ နီးစပ်သူတွေက ပြောပါတယ်။
ရေဖြူမြို့နယ်၊ ညင်းထွေးကျေးရွာအုပ်စု က လူငယ် ၁၀ ယောက်ခန့်ကို စစ်ကောင် စီတပ်က ဖမ်းဆီးစစ်ဆေးခဲ့ပြီးနောက် ၉ ယောက်ကို ပြန်လွတ်ပေးခဲ့ပေမယ့်လည်း တစ်ယောက် ကိုတော့ ဖမ်းဆီးခေါ်ဆောင်သွားပါတယ်။
သတင်းပေးပို့ချက်ထဲမှာတော့ လက်ရှိ ဆင်နွဲနေတဲ့ တော်လှန်ရေးဟာ ဖက်ဒရယ် ဒီမိုကရေစီ ပြည်ထောင်စု တည်ထောင်ရေး၊ အနာဂတ် အကျိုး စီးပွားနဲ့ အာမခံချက်ဖြစ်တဲ့အတွက် စစ်ပွဲတွေ များလာ ရင် နားလည်ကြဖို့ လိုတယ်လို့ ကရင်အမျိုးသား အစည်း အရုံး KNU ဥက္ကဋ္ဌ ပဒိုစောကွယ်ထူးဝင်းက ပြောဆို လိုက်တယ်ဆိုတဲ့ သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
