သတင်းထုတ်လွှင့်ချက် - ( EP - 238 )
ဖေဖော်ဝါရီလ ၂၂ ရက်၊ ၂၀၂၄ ခုနှစ်။
တင်ဆက်ပေးမှာကတော့ ---- ထားဝယ် - ထီးခီးလမ်းပိုင်းတစ်နေရာမှာ စစ်ကောင်စီတပ်နဲ့ တော်လှန်ရေး တပ်တို့အကြား ၃ ရက်ဆက် တိုက်ပွဲ ဖြစ်ပွားခဲ့ပါတယ်။
ကချင်ပြည်နယ် မိုးကောင်းမြို့နယ်မှာတော့ စစ်ကောင်စီတပ်က ဖမ်းဆီးစစ်ဆေးမှုတွေကို တင်းကြပ်စွာ လုပ်ဆောင်လာနေတယ်လို့ ဒေသခံတွေက ပြောပါတယ်။
ရှမ်းပြည်နယ် တောင်ကြီးမြို့မှာ စစ်ကောင်စီ လက်အောက်ခံ အုပ်ချုပ်ရေးမှူးတွေက ရပ်ကွက်တိုင်းမှာ ဧည့်စာရင်းစစ်တာတွေကို ပိုပြီး လုပ်ဆောင်လာနေတယ်လို့ တောင်ကြီးမြို့ခံတွေက ပြောပါတယ်။
ပဲခူးတိုင်း ညောင်လေးပင်ခရိုင်၊ မုန်းမြို့နယ်နဲ့ ကျောက်ကြီး မြို့နယ်မှာတော့ စစ်ကောင်စီတပ်ရဲ့ လက်နက်ကြီးနဲ့ လေကြောင်းတိုက်ခိုက်မှုတွေကြောင့် ဒေသခံ ၁ ဦးသေဆုံးပြီး ၅ ဦး ဒဏ်ရာ ရရှိခဲ့တဲ့အပြင် နေအိမ် ၈ လုံး၊ စာသင်ကျောင်းနဲ့ ဘာသာရေး အဆောက်အဦးတွေ ထိမှန်ပျက်စီးခဲ့တယ်လို့ KNU က ပြောပါတယ်။
သတင်းပေးပို့ချက်ထဲမှာတော့ စစ်ကောင်စီက ကြေညာထားတဲ့ ပြည်သူ့ စစ်မှုထမ်း ဥပဒေဟာ ကရင်နီ ပြည်နယ်မှာ သက်ရောက်မှုတွေ ရှိလာနိုင်သလားဆိုတဲ့ သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
