သတင်းထုတ်လွှင့်ချက် - ( EP - 239)
ဖေဖော်ဝါရီလ ၂၃ ရက်၊ ၂၀၂၄ ခုနှစ်။
တင်ဆက်ပေးမှာကတော့ ---- လွိုင်ကော်မြို့ထဲမှာ တိုက်ပွဲပြင်းထန်စွာ ဖြစ်ပွားလာ နိုင်တဲ့ အနေအထား ရှိနေတဲ့အတွက် ပြည်သူတွေ အနေနဲ့ အိမ်ပြန်တာ၊ ပစ္စည်းတွေ
သွားရောက်သယ်တာတွေကို တတ်နိုင်သမျှ မပြု လုပ်ကြဖို့ KNDF က သတိပေး ပြောဆိုလိုက်ပါတယ်။
ဒေသတစ်ခုတည်း လွတ်လပ်တာနဲ့ မပြီးပဲ တစ်နိုင်ငံလုံး လွတ်လပ်မှသာ နောက်ကျောလုံလုံနဲ့ ဖက်ဒရယ် နိုင်ငံ တည်ဆောက်ရေးခရီးကို ဆက်လက်ပြီး လျှောက်လှမ်းနိုင်မှာ ဖြစ်တယ်လို့ NUG ပြည်ထောင်စုဝန်ကြီးချုပ် မန်းဝင်း ခိုင်သန်းက ပြောဆို လိုက်ပါတယ်။
ရှမ်းပြည်နယ် တောင်ပိုင်း ဟိုပုံးမြို့နယ်မှာ ဖြစ်ပွားခဲ့တဲ့ တိုက်ပွဲအတွင်း စစ်ကောင်စီ တပ်နဲ့ ပြည်သူ့စစ် ပူးပေါင်း တပ်ဖွဲ့က ၄ ယောက် သေဆုံးပြီး လက်နက်ခဲယမ်းတွေကိုလည်း သိမ်းပိုက်ရရှိခဲ့တယ်လို့ (PNLA) က သတင်း ထုတ်ပြန်ထားပါတယ်။
ပဲခူးတိုင်း ညောင်လေးပင်ခရိုင် ၊ မုန်းမြို့နယ်ထဲက စစ်ဘေးရှောင်တွေရဲ့ အိမ် ၇ လုံး တောမီးကြောင့် မီးလောင်ပျက်စီးသွားတယ်လို့ KNU က ပြောပါတယ်။
သတင်းပေးပို့ချက်ထဲမှာတော့ ပင်းတယမြို့နယ် အနိုင်ရ လွှတ်တော်ကိုယ်စားလှယ် လည်းဖြစ်၊ ဓနုပြည်သူ့လွတ်မြောက်ရေးတပ်ဦး (DPLF) ရဲ့ ဥက္ကဋ္ဌလည်း ဖြစ်သူ ဦးထွန်းထွန်းနိုင်က လက်နက်ကိုင် တော်လှန်ရေးသမား အဖြစ် လျှောက်လှမ်းနေ သူဖြစ်တဲ့အတွက် အနိုင်ရ လွှတ်တော်ကိုယ်စားလှယ် ရာထူးကနေ နှုတ်ထွက်လိုက်တယ်ဆိုတဲ့ သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
