သတင်းထုတ်လွှင့်ချက် - ( EP - 240)
ဖေဖော်ဝါရီလ ၂၅ ရက်၊ ၂၀၂၄ ခုနှစ်။
CDM ဗိုလ်ကြီး ဖြိုးပြည့်နဲ့ ဆက်သွယ်မေးမြန်းချက်
ရှမ်း - ကရင်နီနယ်စပ်နဲ့၊ ကရင်နီပြည်နယ်ထဲက တိုက်ပွဲတွေမှာ စစ်ကောင်စီက အရပ်သားပစ်မှတ်၊ ရပ်ရွာ၊ စာ သင်ကျောင်းနဲ့ ဘာသာရေးအဆောက်အအုံတွေက လက်နက်ကြီးအပြင်၊ လေကြောင်းကနေပါ ပစ်ခတ် ဗုံးကြဲမှု တွေ ဆက်တိုက်လုပ်ဆောင်နေပါတယ်။
ကရင်နီပြည်၊ ဒီးမော့ဆိုမြို့နယ် အနောက်ဘက်ခြမ်းရှိ ဒေါဆီးအီကျေးရွာနှင့် လွိုင်နန်းဖကျေးရွာရှိ စာသင်ကျောင်း တွေကို စစ်ကောင်စီမှ ဖေဖော်ဝါရီလ ၅ ရက်နေ့က လေကြောင်းကနေ လာရောက်ဗုံးကြဲခဲ့ပါတယ်။ ဒီ လေ ကြောင်း ဗုံးကြဲမှုထဲ ကျောင်းသား ၄ ယောက် အပါအဝင် ၅ ယောက် သေဆုံးခဲ့ပြီး ၂၁ ယောက် ထိခိုက်ဒဏ်ရာရ ရှိခဲ့ပါတယ်။
အရပ်သားပစ်မှတ်၊ ရပ်ရွာ၊ စာသင်ကျောင်းနဲ့ ဘာသာရေးအဆောက်အအုံတွေကို ပစ်မှတ်ထား တိုက်ခိုက်နေတဲ့ အခြေအနေတွေနဲ့ ပတ်သက်ပြီး CDM ဗိုလ်ကြီး ဖြိုးပြည့်ကို သတင်းနှင့်မီဒီယာကွန်ရက် သတင်းဌာနက ကိုပီတာက ဆက်သွယ်မေးမြန်းထားပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
