သတင်းထုတ်လွှင့်ချက် - ( EP - 264)
ဧပြီလ ၁၉ ရက်၊ ၂၀၂၄ ခုနှစ်။
တင်ဆက်ပေးမယ့် သတင်းတွေကတော့ ---- မြစ်ကြီးနား အကျဉ်းထောင် ဆူပူမှုပစ်ခတ်နှိမ်နင်း ခံရတဲ့အတွက် အကျဉ်းသား ၄ ယောက် သေဆုံးပြီး ၁၀ ယောက်ထက် မနည်းထိမှန်ဒဏ်ရာရရှိခဲ့ပါတယ်။
ဆီဆိုင်မြို့နယ် ပုံလောင်းရွာနားမှာ ပအိုဝ်းဒေသခံ နှစ်ယောက်ကို စစ်ကောင်စီတပ်က စစ်ဆေး မေးမြန်းမှုမလုပ်ဘဲ ပစ်ခတ်ခဲ့ရာ တစ်ယောက်သေပြီး တစ်ယောက်ကတော့ လွတ်မြောက်ခဲ့ ပါတယ်။
ထားဝယ်အကျဉ်းထောင်က လွတ်ငြိမ်းချမ်းသာခွင့်နဲ့ ပြန်လွတ်လာသူ ၁၁ ယောက်ထဲ နိုင်ငံရေးအကျဉ်းသူတစ်ယောက်ပဲ ပါတယ်လို့ အကျဉ်းဦးစီးဌာန အရာရှိတစ်ယောက်က ပြောပါတယ်။
ရှမ်းပြည်နယ် မြောက်ပိုင်းက ၁၀၂၇ စစ်ဆင်ရေးအလွန် အပစ်ခတ်ရပ်စဲရေး ဟိုင်ဂင်သဘောတူစာချုပ်လက် မှတ်ထိုးပြီးနောက်ပိုင်း အရပ်သား ၃၃ ယောက် သေဆုံးပြီး ၈၄ ယောက် ထိခိုက်ဒဏ်ရာရရှိခဲ့တယ်လို့ တအာင်းအမျိုးသမီး အဖွဲ့အစည်း TWO က ထုတ်ပြန်ပါတယ်။
သတင်းပေးပို့ချက်ထဲမှာတော့ လက်ရှိ ခုခံတော်လှန်စစ်ဟာ ကောင်းမွန်တဲ့ ရလဒ်တွေကိုမြင်ရပေမယ့်လည်း တစ်ဖက်မှာတော့ ပြည်သူလူထု တွေရဲ့ စားဝတ်နေရေး အခက်အခဲဟာ ပိုပြီးကြီးမားလာတဲ့အတွက် ပြည်သူ လူထုတွေရဲ့ ဒုက္ခတွေကို အမြန်ဆုံး ပပျောက်အောင် ကြိုးစားကြဖို့လိုတယ်လို့ NUG ယာယီသမ္မတ ပြောလိုက် တဲ့အကြောင်းကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
