သတင်းထုတ်လွှင့်ချက် - (EP - 290)
ဇွန်လ ၅ ရက်၊ ၂၀၂၄ ခုနှစ်။
တင်ဆက်ပေးမယ့် သတင်းတွေကတော့ --- KNU တပ်မဟာ ၅ နယ်မြေထဲမှာ မေလအတွင်း တိုက်ပွဲ ၁၀၇ ကြိမ်ဖြစ်ပွားခဲ့ပြီး တိုက်ပွဲအတွင်း စစ်ကောင်စီ တပ်ဖက်က ၆၀ ခန့်သေဆုံးခဲ့တယ်လို့ KNU မူတြော်(ဖာပွန်) ခရိုင်က သတင်းထုတ်ပြန်ပါတယ်။
မကွေးတိုင်း၊ မြိုင်မြို့နယ်ထဲက ကံမြင့်ကုန်းရွာကို စစ်ကောင်စီတပ်က လေကြောင်းကနေ တိုက်ခိုက်ခဲ့တဲ့အတွက် အသက် ၁၂ နှစ်အောက် ကလေးတစ်ယောက်အပါအဝင် ဒေသခံ ၆ ယောက်သေဆုံးပြီး ၁၁ ယောက် ဒဏ်ရာ ရရှိခဲ့ပါတယ်။
ကယားပြည်နယ် လွိုင်ကော် အကျဉ်းထောင်ကနေ အကျဉ်းသား ၆ ယောက် လွတ်လာတယ်လို့ နိုင်ငံရေး အကျဉ်းသားများ အစည်းအရုံး KPPA က မနေ့က ထုတ်ပြန်ပါတယ်။
ကချင်ပြည်နယ် ချီဖွေမြို့နယ် ပန်ဝါမှာတော့ မနေ့က မြေရှားသတ္တုတူး ဖော်တဲ့ လုပ်ကွက်တစ်ခု မြေပြိုကျခဲ့ပြီး တရုတ်နိုင်ငံသား ၄ ယောက် အပါအဝင် လူ ၂၀ ကျော် ပျောက်ဆုံးနေတယ်လို့ ပန်ဝါဒေသခံတွေက ပြောပါတယ်။
သတင်းပေးပို့ချက်ထဲမှာတော့ ရှမ်းပြည်နယ်မြောက်ပိုင်းမှာ ရှမ်းဘာသာနဲ့ ရေးထိုးထားတဲ့ ကျေးရွာအဝင် ဆိုင်းဘုတ်တွေကို တအာင်းဘာသာနဲ့ အစားထိုးတာဟာ ဒေသခံတွေရဲ့ သဘောထား မပါဝင်တဲ့ အကြောင်း သတင်းပေးပို့ချက်ကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
