သတင်းထုတ်လွှင့်ချက် - (EP - 301)
ဇူလိုင်လ ၁၆ ရက်၊ ၂၀၂၄ ခုနှစ်။
ပထမ နှစ်ဝက် တိုက်ပွဲအတွင်း စစ်ကောင်စီတပ် ဖွဲ့ဝင် တစ်ထောင့်ကိုးရာကျော်သေဆုံးပြီး နှစ်ထောင့်နှစ်ရာကျော် ထိခိုက်ဒဏ်ရာ ရရှိခဲ့တယ်လို့ KNU က ပြောပါတယ်။
ရှမ်းပြည်နယ် တောင်ပိုင်း ပင်လောင်းမှာ စစ်ကောင်စီတပ်နဲ့ ပအိုဝ်းပြည်သူ့စစ်က ပြည်သူတွေအပေါ် လူ့အခွင့် အရေး ချိုးဖောက်မှုတွေ ကျူးလွန်နေတယ်လို့ ဒေသခံတွေက ပြောပါတယ်။
ကရင်နီပြည် ဒီးမော့ဆိုမြို့ အနောက်ဘက်ခြမ်းမှာတော့ ရွာတိုင်းနီးပါးမှာ တုပ်ကွေးနဲ့ ငှက်ဖျား ရောဂါအဖြစ် များနေပြီး ဆေးဝါးအကူအညီတွေလည်း လိုအပ်နေတယ်လို့ ဒေသခံ သတင်းရင်းမြစ်တွေက ပြောပါတယ်။
စစ်ကောင်စီတပ်ရဲ့ လေကြောင်းတိုက်ခိုက်မှု၊ လက်နက်ကြီးပစ်ခတ်မှု၊ အကြောင်းမဲ့သတ်ဖြတ်မှုနဲ့ မြေမြှုပ်မိုင်း ကြောင့် ဇွန်လထဲမှာ အမျိုးသမီး ၆၇ ယောက်သေဆုံးပြီး ၅၉ ယောက် ထိခိုက်ဒဏ်ရာရရှိခဲ့တယ်လို့ မြန်မာ့အမျိုး သမီးသမဂ္ဂ (BWU) က ပြောပါတယ်။
သတင်းပေးပို့ချက်ထဲမှာတော့ အမျိုးသား ညီညွတ်ရေး အစိုးရ NUG လူသားချင်းစာနာ ထောက်ထားရေးနဲ့ ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီး ဌာနက ၆ လတာ ကာလ အတွင်း စစ်ဘေးရှောင် ပြည်သူ သုံးသိန်း ကျော်ကို ကူညီထောက်ပံ့ပေး နိုင်ခဲ့တယ်ဆိုတဲ့ အကြောင်းကို ကြားကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
