သတင်းထုတ်လွှင့်ချက် - (EP - 308)
ဇူလိုင်လ ၂၅ ရက်၊ ၂၀၂၄ ခုနှစ်။
ဒီနေ့မှာ တင်ဆက်ပေးမယ့် သတင်းတွေကတော့ --- မိုးကုတ်မြို့သိမ်း တိုက်ပွဲအတွင်း ဒေသခံ အရပ်သား ပြည်သူ ၃၁ ယောက်သေဆုံးပြီး၊ ၅၉ ယောက် ထိခိုက်ဒဏ်ရာ ရရှိခဲ့တယ်လို့ PSLF/TNLA က ပြောပါတယ်။
မွန်ပြည်နယ် ကျိုက်ထိုမြို့နယ်ထဲက ရွာတစ်ရွာမှာ စစ်ကောင်စီတပ် ပစ်လိုက်တဲ့ လက်နက်ကြီးကျည်တွေ ကျရောက်ပေါက်ကွဲခဲ့လို့ အမျိုးသမီး ၅ ယောက်အပါအဝင် ပြည်သူ ခြောက်ယောက်သေဆုံးသွားပါတယ်။
ကရင်အမျိုးသားအစည်းအရုံး (KNU) ဒုတိယ ဥက္ကဋ္ဌဟောင်း နော်စီဖိုးရာစိန်ဟာ ဇူလိုင်လ ၂၄ ရက်နေ့ မှာ ကွယ် လွန်သွားပါတယ်။
သတင်းပေးပို့ချက်ထဲမှာတော့ ရှမ်းပြည်နယ် မြောက်ပိုင်းမှာ ဖြစ်ပွားနေတဲ့ တိုက်ပွဲတွေထဲ ပိတ်မိနေတဲ့ ပြည်သူ တွေကို အကူအညီပေးဖို့ ရှမ်းလူ့အခွင့်အရေး မဏ္ဍိုင် SHRF က နိုင်ငံတကာကို တောင်းဆိုလိုက်တဲ့ အကြောင်းနဲ့ တခြား စိတ်ဝင်စားစရာ သတင်းတွေကို နားဆင်ရဖို့ ရှိနေပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
