သတင်းထုတ်လွှင့်ချက် - (EP - 309)
ဇူလိုင်လ ၂၆ ရက်၊ ၂၀၂၄ ခုနှစ်။
ဒီနေ့မှာ တင်ဆက်ပေးမယ့် သတင်းတွေကတော့ --- လားရှိုးမြို့ တိုက်ပွဲထဲ ကိုးကန့်တပ်ဖွဲ့ MNDAA က လားရှိုးလေယာဉ်ကွင်းနဲ့ လားရှိုးမိုတယ်ကို သိမ်းပိုက်ထားလိုက်ပါပြီ။
ကန့်ဘလူမြို့နယ်ရှိ စစ်ကောင်စီ ကင်းစခန်းတစ်ခု တိုက်ခိုက်ခံခဲ့ရပြီး စစ်ကောင်စီတပ်ဖွဲ့ဝင် ၁၆ ယောက် သေဆုံး သွားခဲ့ပါတယ်။
ရခိုင်ပြည်၊ တောင်ကုတ်မြို့က ကုလားရောင် ကမ်းခြေနေရာမှာ လက်တွေ ခြေထောက်တွေကို သံကြိုးနဲ့ ချည်ခံ ထားရပြီး အရပ်ဝတ်အင်္ကျီနဲ့ သေဆုံးနေတဲ့ အမျိုးသား အလောင်း ၇ လောင်း တွေ့ရှိခဲ့ပါတယ်။ သတင်းပေးပို့ချက်ထဲမှာတော့ စစ်ကောင်စီတပ်ရန်ကနေ တိမ်းရှောင် ထွက်ပြေးနေကြရတဲ့ ကာလအတွင်း အမျိုး သမီး နိုင်ငံရေး တက်ကြွလှုပ်ရှားသူတွေ အနေနဲ့ ကြုံနေရတဲ့ အခက်အခဲ၊ စိန်ခေါ်မှုတွေက ဘာတွေလဲ၊ ရုပ်ပိုင်း၊ စိတ်ပိုင်းနဲ့ လိင်ပိုင်းဆိုင်ရာ ခြိမ်းခြောက်မှုတွေကို ကြုံတွေ့နေရတယ်ဆိုတဲ့ အကြောင်းနဲ့ တခြား စိတ်ဝင်စားစရာ သတင်းတွေကို နားဆင်ရဖို့ ရှိနေပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
