သတင်းထုတ်လွှင့်ချက် - (EP - 329)
စက်တင်ဘာလ ၆ ရက်၊ ၂၀၂၄ ခုနှစ်။
ဒီနေ့တင်ဆက်ပေးမယ့် သတင်းတွေကတော့ … ရှမ်းမြောက်ဒေသ၊ နမ့်ခမ်းမြို့ကို တိုက်ပွဲမဖြစ်ဘဲ စစ်တပ်က လေကြောင်းကနေ ပေါင် ၅၀၀ ဗုံးနဲ့ ဗုံးကြဲ တိုက်ခိုက်ခဲ့လို့ ကလေးအပါအဝင် အရပ်သား ၁၁ ယောက် သေဆုံးခဲ့ ပါတယ်။
ရှမ်း-ကရင်နီ အစပ်ဒေသက ဖယ်ခုံမြို့နယ်ထဲက စစ်ရှောင်စခန်း တစ်ခုကိုလည်း စစ်တပ်က လေကြောင်း ကနေ ဗုံးကြဲခဲ့လို့ ကလေး ၇ ယောက် အပါအဝင် စစ်ရှောင် ၉ ယောက် သေဆုံးခဲ့ပါတယ်။
သတင်းပေးပို့ချက်တွေထဲမှာတော့ အင်းစိန်ထောင်ထဲက တီဘီရောဂါဝေဒနာရှင် နိုင်ကျဉ်းတစ်ယောက် လိင်တူ အဓမ္မပြုကျင့်ခံရမှုနဲ့ ပတ်သက်တဲ့ သတင်းပေးပို့ချက်နဲ့ တခြား စိတ်ဝင်စားစရာ သတင်းတွေကို နားဆင် ရဖို့ ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
