သတင်းထုတ်လွှင့်ချက် - (EP - 330)
စက်တင်ဘာလ ၈ ရက်၊ ၂၀၂၄ ခုနှစ်။
ဒီနေ့တင်ဆက်ပေးမယ့် သတင်းတွေကတော့ … ဖားကန့်မြို့မှာ စစ်ကောင်စီတပ်နဲ့ ကချင်လွတ်လပ်ရေး တပ်မတော် KIA ပူးပေါင်း တပ်တို့ အကြား တိုက်ပွဲ ပြင်းထန်နေပြီး ဒေသခံတွေ စစ်ဘေးရှောင်နေကြရပါတယ်။
နာဂကိုယ်ပိုင် အုပ်ချုပ်ခွင့်ရဒေသ နန်းယွန်းမြို့နယ်နဲ့ ကချင်ပြည်နယ် မြစ်ကြီးနားမြို့ကို သွားတဲ့ ခရီးစရိတ် ကားခက ကျပ်လေးသိန်းထိ တက်သွားတယ်လို့ ဒေသခံတွေက ပြောပါတယ်။
သတင်းပေးပို့ချက်တွေထဲမှာတော့ စစ်မြေပြင် မဟုတ်တဲ့၊ စစ်ရေးပစ်မှတ်မဟုတ်တဲ့ နေရာတွေ ကို လေကြောင်းကနေ ဗုံးကြဲတိုက်ခိုက်မှုတွေကို ကျူးလွန်နေတဲ့ စစ်ကောင်စီတပ်ကို အပြည်ပြည်ဆိုင်ရာ ရာဇဝတ်ခုံ ရုံးမှာ အရေးယူသွားနိုင်ရေး ကရင်နီပြည် ကြားကာလ အုပ်ချုပ်ရေးကောင်စီ (IEC) က လုပ်ဆောင် သွားမယ်လို့ ပြောဆိုလိုက်တဲ့အကြောင်းနဲ့ တခြား စိတ်ဝင်စားစရာ သတင်းတွေကို နားဆင် ရဖို့ ရှိပါတယ်။
