သတင်းထုတ်လွှင့်ချက် - (EP - 338)
စက်တင်ဘာလ ၂၄ ရက်၊ ၂၀၂၄ ခုနှစ်။
ဒီနေ့တော့ တင်ဆက်ပေးမယ့် သတင်းပေးပို့ချက်တွေထဲမှာတော့ … MNDAA က သိမ်းပိုက်ထားတဲ့ လားရှိုးကို စစ်ကောင်စီတပ်က လေကြောင်းကနေ ထပ်မံ တိုက်ခိုက်ခဲ့ရာ အရပ်သားပြည်သူ တစ်ယောက် သေဆုံး၊ ၁၅ ယောက် ဒဏ်ရာရရှိခဲ့ပါတယ်။
ရှမ်းမြောက် သီပေါမြို့နယ်ထဲက နားလွယ်လီဆူရွာကို စစ်ကောင်စီက လေယာဉ်သုံးစီးနဲ့ ဗုံးကြဲတိုက်ခိုက်ခဲ့လို့ မြေးအဖွား ၄ ယောက် နေရာမှာတင် သေဆုံးခဲ့ပါတယ်။
မကွေးတိုင်း၊ မြိုင်မြို့နယ်ထဲက ရွာနှစ်ရွာနဲ့ မန္တလေးတိုင်း တောင်သာမြို့နယ်ထဲက ရွာနှစ်ရွာကိုလည်း စစ်တပ်က လေကြောင်းကနေ ဗုံးကြဲတိုက်ခိုက်ပါတယ်။သတင်းပေးပို့ချက်တွေထဲမှာတော့ ပဲခူးတိုင်း၊ ဒိုက်ဦးမြို့ အကျဉ်းထောင်မှာ နိုင်ငံရေးအကျဉ်းသား တစ်ယောက်ကို စစ်ကောင်စီ လက်အောက်ခံ ထောင်အာဏာပိုင်တွေက ညှင်းပန်းနှိပ်စက်ခဲ့တဲ့ အကြောင်း တခြား စိတ်ဝင်စားစရာ သတင်းတွေကို နားဆင် ရဖို့ ရှိပါတယ်။
