သတင်းထုတ်လွှင့်ချက် - (EP - 354)
နိုဝင်ဘာလ ၄ ရက်၊ ၂၀၂၄ ခုနှစ်။
ဒီနေ့မှာ တင်ဆက်ပေးမယ့် သတင်းတွေကတော့ ကချင်ပြည် အထူးဒေသ (၁) နယ်မြေထဲက နောက်ဆုံးကျန်နေတဲ့ အမှတ် (၁၀၀၁) နယ်ခြားစောင့် တပ်စခန်း ကို KIA နဲ့ KPDF ပူးပေါင်းတပ်တို့က အပြီးသတ် တိုက်ခိုက် သိမ်းပိုက်လိုက်ပြီ ဖြစ်ပါတယ်။
ရှမ်းမြောက်၊ နောင်ချိုမြို့နယ်မှာ စစ်သုံ့ပန်းတွေထားတဲ့ အချုပ် လေကြောင်းကနေ ထပ်မံ တိုက်ခိုက်ခံခဲ့ရလို့ ဗိုလ်မှူးအဆင့်ရှိသူ အပါအဝင် စစ်ကောင်စီတပ်ဖွဲ့ဝင် ၄ ယောက် သေဆုံးခဲ့ပါတယ်။
ချင်းပြည်မှာ အာဏာသိမ်းကာလ ၃ နှစ်တာအတွင်း စစ်ကောင်စီတပ်ရဲ့ လေကြောင်း တိုက်ခိုက်မှုကြောင့် အရပ်သား ၁၀၈ ယောက် သေဆုံးခဲ့တယ်လို့ ချင်းလူ့အခွင့်အရေးအဖွဲ့ (CHRO) က ထုတ်ပြန်ပါတယ်။
သတင်းပေးပို့ချက်တွေထဲမှာတော့ ကရင်နီပြည်က စစ်ဘေး နဲ့ ရေဘေးသင့် ပြည်သူတွေ ပြန်လည် ထူထောင်ရေးအတွက် အမေရိကန် ဒေါ်လာ ၇ သန်းကျော် လိုအပ်နေပြီး ကူညီပေးကြဖို့ IEC က နိုင်ငံတကာကို တောင်းဆိုလိုက်တဲ့ အကြောင်းတွေကို နားဆင် ရဖို့ ရှိနေပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
