သတင်းထုတ်လွှင့်ချက် - (EP - 373)
ဒီဇင်ဘာလ ၁၄ ရက်၊ ၂၀၂၄ ခုနှစ်။
ဒီနေ့တော့ ဆက်သွယ်မေးမြန်းချက် တစ်ပုဒ်ကို နားဆင်ရဖို့ရှိပါတယ်။ ရှမ်းပြည်တောင်ပိုင်း၊ ပအိုဝ်း ဒေသမှာ ဖြစ်ပေါ်နေတဲ့ စစ်ရေး၊ နိုင်ငံရေးအခြေအနေနဲ့ ပတ်သက်ပြီး ပအိုဝ်းအမျိုးသား ဖက်ဒရယ် ကောင်စီ (PNFC) အတွင်းရေးမှူး (၂) ခွန်ဝေထူးကို ဆက်သွယ်မေးမြန်းထားပါတယ်။
“၇၅” နှစ်ပြည့် ပအိုဝ်းတော်လှန်ရေးနေ့ (ပဒေသရာဇ်စနစ်ဆန့်ကျင်တော်လှန်ရေး) ဖြစ်တဲ့ ဒီဇင်ဘာ ၁၁ ရက် နေ့မှာ ပအိုဝ်းအမျိုးသား ဖက်ဒရယ်ကောင်စီ (PNFC) နဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO/PNLA) တို့က ပူးတွဲသဘောတူညီချက် တရပ် ထုတ်ပြန်ခဲ့ပါတယ်။
အဲ့ဒီထုတ်ပြန်ချက်ထဲမှာ ပြည်သူတွေကိုကာကွယ်ဖို့ လိုအပ်ချက်မှတပါး ပအိုဝ်းအမျိုးသားအချင်း ချင်းကြား ဖြစ်စေ၊ တိုင်းရင်းသား အချင်းချင်းကြား ဖြစ်စေ လက်နက်ကိုင်ပဋိပက္ခကို အတတ်နိုင်ဆုံးရှောင်ရှားဖို့ ငြိမ်းချမ်း တဲ့ နည်းနဲ့ ညှိနှိုင်းအဖြေရှာရေးကို အတတ်နိုင်ဆုံး လက်ကိုင်ကျင့်သုံးသွားမယ်လို့ ထုတ်ပြန်ထားပါတယ်။
ပအိုဝ်းအမျိုးသား အချင်းချင်းကြား ဖြစ်နေတဲ့ ပဋိပက္ခတွေအပြင် လက်ရှိ ပအိုဝ်းဒေသမှာ ဖြစ်နေတဲ့ စစ်ရေး၊ နိုင်ငံရေးနဲ့ ပတ်သက်ပြီး ဆက်လက်ဆွေးနွေး အဖြေရှာသွားမယ့် အခြေအနေနဲ့ ပအိုဝ်း လက်နက်ကိုင်အဖွဲ့တွေရဲ့ နိုင်ငံရေးရပ်တည်ချက်နဲ့ ပတ်သက်ပြီး ပအိုဝ်းအမျိုးသား ဖက်ဒရယ်ကောင်စီ (PNFC) အတွင်းရေးမှူး (၂) ခွန်ဝေထူးကို ကိုပီတာက ဆက်သွယ်မေးမြန်းထားပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
