သတင်းထုတ်လွှင့်ချက် - (EP - 382)
ဇန်နဝါရီလ ၁ ရက်၊ ၂၀၂၅ ခုနှစ်။
ဒီနေ့သတင်းတွေထဲမှာတော့ ကချင်ပြည်၊ ဗန်းမော်မြို့မှာ စစ်တပ်ရဲ့ လက်နက်ကြီးနဲ့ ပစ်ခတ်မှုကြောင့် ကလေးအပါအဝင် ပြည်သူ ၇ ယောက် ထိခိုက်ဒဏ်ရာ ရရှိခဲ့ပါတယ်။
ရခိုင်ပြည်မှာ အာရက္ခတပ်တော်နဲ့ စစ်ကောင်စီတပ်တို့ကြား တိုက်ပွဲတွေ ပြင်းထန်နေတာကြောင့် ဒေသတွင်း လုံခြုံရေးအခြေအနေ ဆိုးရွားနေတယ်လို့ (UNOCHA) က သတင်းထုတ်ပြန်ပါတယ်။
မွန်ပြည်ထဲက မြို့နယ် ၁၀ မြို့နယ်လုံးမှာ စစ်ကောင်စီဘက်က လုံခြုံရေး ပိုတင်းကျပ်ထားပြီး ပိတ်ဆို့ ဖမ်းဆီးမှု တွေ ဆက်တိုက် လုပ်နေပါတယ်။
သတင်းပေးပို့ချက်တွေထဲမှာတော့ တိုင်းစစ်ဌာနချုပ်တွေကို ဆုံးရှုံးလိုက်ရတဲ့အတွက် စစ်တပ်ဟာ သမိုင်း တစ်လျှောက်မှာ အကြီးမားဆုံး ရှုံးနိမ့်မှုတွေ၊ ဆုံးရှုံးမှုတွေနဲ့ ရင်ဆိုင်နေရပြီလို့ NUG ယာယီသမ္မတ က ပြောဆို လိုက်တဲ့အကြောင်း နားဆင်ရဖို့ရှိပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
