သတင်းထုတ်လွှင့်ချက် - (EP - 452)
မေလ ၁၆ ရက်၊ ၂၀၂၅ ခုနှစ်။
ရခိုင်ပြည်၊ ကျောက်တော်မြို့ကို စစ်တပ် လေယာဉ်နဲ့ ဗုံးကြဲတိုက်ခိုက်ခဲ့လို့ ဒေသခံ ၇ ယောက် သေဆုံးခဲ့ပြီး ၄ ယောက် ဒဏ်ရာရရှိခဲ့ပါတယ်။
ချင်းပြည်၊ မင်းတပ်မြို့နယ်ထဲမှာလည်း စစ်ကောင်စီတပ်က လေကြောင်း ဗုံးကြဲမှုထဲ ကလေးငယ်တစ်ယောက် အပါအဝင် အရပ်သား ၃ ယောက် သေဆုံးခဲ့ပါတယ်။
လားရှိုးလေဆိပ်ကို မေလ ၂၂ ရက်နေ့မှာ ပြန်ဖွင့်တော့မှာ ဖြစ်ပါတယ်။
မရေမရာ ဖြစ်နေတဲ့ ယူကရိန်း ငြိမ်းချမ်းရေး ဆွေးနွေးပွဲ အကြောင်းလည်း နားဆင်ရဖို့ရှိနေပါတယ်။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
