သတင်းထုတ်လွှင့်ချက် - ( EP - 62 )
နိုဝင်ဘာလ ၈ ရက်၊ ၂၀၂၂ ခုနှစ်။
တင်ဆက်ပေးမယ့် သတင်းတွေကတော့ ---- ကျောင်းထိုင်ဆရာတော်တပါး ကားနဲ့ ကြွစဉ် စစ်ကောင်စီက ပစ်ခတ်ခဲ့လို့ ဒဏ်ရာရရှိသွားပါတယ်။ ကော့သောင်းမှာ ဘုရားပွဲ ကျင်းပဖို့ စစ်ကောင်စီက ဖိအားပေးနေပါတယ်။
လက်နက်ကြီးကြောင့် မွန်ပြည်နယ်၊ ရေးမြို့နယ်မှာ ကလေးနှစ်ယောက် အပါအဝင် ဒေသခံ ၃ ယောက် ဒဏ်ရာရသွားပါတယ်။ မိုင်းဆွဲ တိုက်ခိုက်မှုကြောင့် ကလေးမှာ စစ်ကောင်စီ ၃ ယောက် သေဆုံးသွားခဲပါတယ်။ ရာအိမ်မှူး ပစ်ခတ်ခံရပြီးနောက် ဘိုကလေးမှာ ဒေသခံ ၁၀ ယောက် ဖမ်းခံရတဲ့သတင်းနဲ့ တနင်္သာရီက တိုက်ပွဲတွေကြောင့် ဒေသခံ ၁၀၀၀ ကျော် အိုးအိမ်စွန့်ခွာ ထွက်ပြေးနေရပါတယ်။
သတင်းလွှာထဲမှာတော့ တိုက်ပွဲတွေနဲ့ စစ်ကောင်စီရဲ့ လေကြောင်းက တိုက်ခိုက်မှုတွေကြောင့် ကျင်းပဖို့ စီစဉ်ထားတဲ့ ၁၇ ကြိမ် မြောက် ကရင်အမျိုးသား အစည်းအရုံး KNU ကွန်ဂရက်ကို ရွှေ့ဆိုင်း လိုက်တယ်လို့ KNU က ပြောဆို လိုက်တဲ့အကြောင်း သတင်းပေးပို့ချက်တွေကို နားဆင်ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
