သတင်းထုတ်လွှင့်ချက် - ( EP - 76 )
ဒီဇင်ဘာလ ၂၈ ရက်၊ ၂၀၂၂ ခုနှစ်။
တင်ဆက်ပေးမယ့် သတင်းတွေကတော့ ---- အပစ်ရပ် ၅ ဖွဲ့နဲ့ စစ်ကောင်စီတို့ နေပြည်တော်မှာ တွေ့ဆုံဆွေးနွေးခဲ့တဲ့သတင်း ၊ ရှမ်းမြောက် မုံးကိုးမြို့နယ်ထဲက MNDAA ကိုးကန့်တပ်ဖွဲ့ရဲ့စခန်းကို စစ်တပ်က လေယာဉ်နဲ့ ဗုံးကြဲခဲ့ရာ ကိုးကန့်ဘက် ၁ ယောက် သေ ၅ ယောက် ဒဏ်ရာရရှိခဲ့ပါတယ်။
မွန်ပြည်နယ် ရေးမြို့နယ်အခြေစိုက် စစ်ကောင်စီ ခမရ ၅၉၁ တပ်ရင်းက စစ်ကားတစ်စီးကို ရေးဘီလူး အဖွဲ့က တိုက်ခိုက်ခဲ့ရာ စစ်သား နှစ်ယောက် သေဆုံးသွားပါတယ်။
သတင်းပေးပို့ချက်တွေထဲမှာတော့ ရှမ်းမြောက် မုံးကိုးမြို့နယ်ထဲမှာရှိတဲ့ ရွာတွေထဲ လက်နက်ကြီးကျည်တွေ ကျရောက်ခဲ့တဲ့အတွက် ကျေးရွာအနီးအနားမှာ တိုက်ပွဲတွေ မဖော်ဆောင်ကြဖို့ ဒေသခံတွေက တောင်းဆိုထား တဲ့အကြောင်းနဲ့ ကချင်နှစ်ခြင်းခရစ်ယာန်အဖွဲ့ချုပ် KBC ဥက္ကဋ္ဌဟောင်း ဒေါက်တာခလမ်ဆမ်ဆွန် ဖမ်းဆီးခံရမှုနဲ့ ပတ်သက်တဲ့ နောက်ဆက်တွဲ အခြေအနေတွေကို နားဆင်ကြရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
