သတင်းထုတ်လွှင့်ချက် - ( EP - 81 )
ဇန်နဝါရီလ ၁၁ ရက်၊ ၂၀၂၃ ခုနှစ်။
တင်ဆက်ပေးမယ့် သတင်းတွေကတော့ ---- ကော့သောင်း-ထားဝယ်သွားလမ်းမှာ စစ်သုံးပစ္စည်းတွေနဲ့ အတူ အမျိုးသားတစ်ယောက် ဖမ်းဆီးခံလိုက်ရပါတယ်။ ပုသိမ် ထောင်အတွင်း ရိုက်နှက်မှုကြောင့် နိုင်ကျဉ်းတစ်ယောက် သေဆုံးသွားပါတယ်။
မဲစာရင်းကောက်ရာမှာ ပါဝင်တဲ့ ဝန်ထမ်းတွေကို အရေးယူသွားမယ်လို့ တနင်္သာရီ ပအဖ က သတိပေးလိုက်တဲ့ သတင်းနဲ့ အင်းလေး သန်းထောင်ဈေး ပိတ်ထားလို့ ဈေးသည်တွေ အခက်ကြုံနေရတယ်ဆိုတယ်ဆိုတဲ့ သတင်းတွေအပြင် မင်းတုန်းမှာ အုပ်ချုပ်ရေးမှူး နေအိမ်ကို ဝင်ရောက်တိုက်ခိုက်ပြီး အုပ်ချုပ်ရေးမှူးကားကို ဖောက်ခွဲ ဖျက်ဆီး ခဲ့တဲ့သတင်းတွေကို ကြားကြရမှာပါ။
သတင်းပေးပို့ချက်တွေ ထဲမှာတော့ ရှမ်းမြောက်၊ ကွတ်ခိုင်မြို့နယ်ထဲရှိ ရွာတစ်ရွာက အသက် ၁၄ နှစ်အရွယ် အိမ်အကူ အမျိုးသမီးငယ်လေးတစ်ယောက်ကို အိမ်ရှင်အမျိုးသားက ၃ လ ကျော်အကြာ အဓမ္မပြုကျင့်ခဲ့ပါ တယ်။ ကျူးလွန်သူကို PSLF/TNLA က ဖမ်းဆီးပြီး စစ်ဆေးမှုတွေကို လုပ်ဆောင်နေတဲ့အကြောင်း နားဆင် ရမှာပါ။
သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။
