OPEN HEAVENS
MATALA LE LAGI MO LE TOONAI 24 IANUARI 2026
(tusia e Pastor EA Adeboye)
Manatu Autu: Momo’e punoua’i ia faaopoopo (Reach for more)
Tauloto Tusi Paia: Filipi 3:13 “Le ‘au uso e, ‘ou te lē manatu ‘ua ‘ou maua, a o le mea e tasi ‘ou te faia, ‘ou te fa‘agalogalo i mea ‘ua tuana‘i, ‘ou te momo‘e punou a‘i fo‘i i mea o lumana‘i.”
Faitauga - Tusi Paia: 2 Tupu 4:8-17
E iai taimi, o nisi tagata e foliga e maualuga le tulaga ua ausia, ona amata lea ona malolo mai le siitia pea o vaega o galulue ai. E latou te manatu ua latou ausia le tumutumuga o le lalolagi ona o tulaga ua latou ausia. Peitai, tusa poo le a le maualuga pe mauoa o se tagata, e iai lava tulaga e maualuga atu e tatau ona ausia. O le mafuaaga lea ou te fai ai lava iai latou ua latalata mai ia te a’u, o le tulaga manuia o se malaga e faasolo pea, e le o se nofoaga e taunuu iai.
Mo se faataitaiga, o tagata ua ausia se tulaga maualuga o le tamaoaiga e mafai ona faatulagaina e mauoa. O le au mauoa e ausia se tulaga o le tele o mea, peitai e iai tagata e matua mauoloa e lē tau tilotilo i le tau ae lei faataua se mea. Sa ou faalogo i le tala o se tamaloa e matua mauoa sa alu e savali i le taeao ae ona faataua ai se fale e gaosi ai taavale ona e vaai atu e lē faamamaina lelei le fanua. Sa matua lē fiafia i le tulaga o le fale e gaosi ai le ituaiga taavale e fealuai ai, o lea na ia faia ai se ofo ma faatau ai loa i le taimi lava lea.
Peitai e iai le isi tulaga maualuga o le manuia e sili atu i le mauoa, o le tulaga lea e faamatala e le Salamo 92:12-14 e tupu olaola. O se tagata e tupu olaola e faamatalaina e amiotonu, e tōtōina i le fale o le Alii ma e fua tele mai tusa pe ua toeaina. O tagata i lea tulaga, e ola e tusa ma le finagalo o le Atua, e manatunatu i lana upu i le ao ma le po, ma e manuia i mea uma latou te faia ( Salamo 1:1-3). O Isaako o se faataitaiga lelei o se tagata na tupu olaola i le Tusi Paia. Na faatonu e le Atua e mofo i Kira, e ui i le vaaiga faaletagata, e le o se mea e tatau ona faia. Peitai na ia usitai ma tupu olaola i lea nuu (Kenese 26:1-14). Na tuputupu pea seia oo ina matua manuia, ma sili atu ana mea ua oo i le tupu ua aioi ia te ia e alu ese mai lo latou nuu ona ua matua mauoloa, ua sili atu i le atunuu atoa.
Le au pele e, o le finagalo o le Atua ia e tupu olaola (3 Ioane 1:2). O lona finagalo mo oe ma a’u, e le gata e tele lou tamaoaiga i soo se mea, ae e te tupu olaola i mea uma e te faia seia e tuua le lalolagj. O le mafuaaga lena e fai mai ai le Faataoto 4:18 A o le ala o ē amiotonu, e tusa ia ma le malamalama o le ao, o lo‘o tupu pea lona malamalama e o‘o i le totonu o le la. Ou te faamalosi ia te oe ia faapei o le Aposetolo o Paulo, e fa‘agalogalo i mea ‘ua tuana‘i, ma momo‘e punou a‘i fo‘i i mea o lumana‘i (Filipi 3:13). E iai pea tulaga e sili atu i manuia ma le tamaoaiga e mafai ona ausia, i le suafa o Iesu, Amene.
