Nias Language - "Testimonies".3gp //
KORINDRO I. FAZA 13 - Faʼomasi andrõ: I. Mogoena sibai. II. Amoeatania. III. Si lõ aetoe ia.1I. He fehede niha ba fehede malaʼika wehedegoe, ba na lõ chõgoe faʼomasi andrõ, ba hoelõ garamba soli ba hoelõ ritiriti ndraʼodo. (F. 14, 6—9). 2Ba he no so chõgoe wamaʼeleʼõ, ba he no oeʼila fefoe zi no tobini andrõ, awõ waʼaboto ba dõdõ andrõ fefoe, ba he no aʼoi so chõgoe wamati andrõ, ba wamawoeʼa hili, ba na lõ chõgoe faʼomasi andrõ, ba faja ndraʼodo. (F. 12, 8. 9. Mat. 7, 22; 17, 20). 3Ba he ahori oebeʼe balazo zi noemana zi so chõgoe, ba he oeloeloe mbotogoe, enaʼõ latoenoe aoeri, ba na lõ chõgoe faʼomasi andrõ, ba lõ goenania. (Mat. 6, 1 b. t. Dan. 3, 28. Sin. seb. 8, 7). 4II. Faʼomasi andrõ, ba no sebolo tõdõ, no seboea tõdõ; faʼomasi andrõ, ba lõ iʼatõchõi tõdõ nawõnia, lõ isoeno ia, lõ mohocha. (Jak. 3, 17). 5Lõ ilaoe zi lõ moadoe, lõ iʼaloei dána chõnia; lõ mofõnoe ia; lõ itanõ ba dõdõnia zi lõ sõchi; (F. 10, 24. Fil. 2, 4); 6lõ omoeso dõdõnia ba zi lõ atoelõ, ba omoeso dõdõnia awõ zi doehoe. 7Fefoe hadia ia zi faloecha ia, ba itaha dõdõnia; fefoe hadia ia, ba fadoehoe dõdõnia; fefoe hadia ia, ba idõnadõna, fefoe hadia ia, ba itaõgõ. (Rom. 15, 1. Amaed. 10, 12). 8III. Si lõ mamalõmalõ waʼomasi andrõ; he famaʼeleʼõ sa, ba tebato dania, ba he ngawalõ li, ba tebato, ba he faʼaboto ba dõdõ andrõ, ba tebato dania. 9Sambõʼambõ sa waʼaboto ba dõdõda andrõ, ba sambõʼambõ wamaʼeleʼõda andrõ. 10Ba na so zoʼahonoa andrõ, ba tebato zambõʼambõ andrõ. 11Me iraono ndraʼodo, ba no fehede ndraono wehedegoe ba tõdõ ndraono dõdõgoe ba eraʼera ndraono geraʼeragoe, ba me no tobali ira matoea ndraʼodo, ba oebõhõli nifolaoe ndraono. 12Ha sa dahõdahõ niʼilada iadaʼe, ba zõrõmi, ba ba daʼõ dania, ba faʼila bawa. Iadaʼe ambõʼambõ waʼaboto ba dõdõgoe, ba ba daʼõ dania, ba oeʼila, si mane fangila jaʼodo andrõ. (Moz. IV. 12, 8. Kor. II. 3, 18; 5, 7. F. 8, 3. Joh. I. 3, 2). 13Ba me si manõ, ba si lõ teboelõ wamati ba fanõtõna ba faʼomasi, si tõloe andrõ, ba seboeara, ba faʼomasi andrõ. (Tes. I. 1, 3. Heb. 10, 22—24. Kol. 3, 14).
