Dendi Djougou(Dandawa) - "The Prodigal Son(English)".mp3 //
YOHANNA 1
1 Sendi goono sintine kom. Sendɑ mo goono Ikpɛ bɑndɑ. Sendɑ yɑ ci Ikpɛ. 2 À goono, ngɑ ndɑ Ikpɛ sintine kom. 3 Ngɑ yɑ nɑ hɛ kulu tɑkɑ. Hɛ fɔ fɔ kɑ ɑ̀ tɑkɑ mɑnɑ tɛ de ɑ̀ mɑnɑ ci ndɑ Sendi di. 4 À kunɑ no hundi goono. Hundi mo yɑ ci iburɑdɑm yom kɑɑri. 5 Kɑɑri go hɑɑgɑ kube kunɑ. Kube mo mɑnɑ hinɑɑ̀. 6 Ikpɛ nɑ bɔrɔ fɔ dɔntɔm, ɑ̀ mɑɑ no Yohɑnnɑ. 7 À kɑɑ tɛ sɛdɑ ɑ̀ mɑ sɛdɑ kɑɑri bɔm zɑmɑ bɔrɔ kulu mɑ nɑɑne ɑ̀ dɔ. 8 Ngɑ wɔ mɑnɑ ci kɑɑri wɔ bo, ɑmmɑ ɑ̀ kɑɑ ɑ̀ mɑ tɛ sɛdɑ kɑɑri bɔm. 9 Kɑɑri wɔne yɑ ci kɑɑri cimikpɛ kɑ ɑ̀ go kɑɑ hɑndunyɑ kɑ kɑɑri bɔrɔ kulu gɑɑ. 10 À goono hɑndunyɑ. Ngɑ mo yɑ nɑ hɑndunyɑ tɛ ɑmmɑ hɑndunyɑ mɑnɑ ɑ̀ bei. 11 À kɑɑ ngɑ ŋmɔne yom dɔ ɑmmɑ ǹ mɑnɑ ɑ̀ tɑ. 12 Ammɑ beerem kulu kɑ ǹ nɑ ɑ̀ tɑ kɑ nɑɑne ɑ̀ mɑɑ gɑɑ, ɑ̀ nɑ ǹ no dɑbɑri ǹ mɑ ci Ikpɛ ize yom. 13 Ǹ mɑnɑ ǹ hɛi kuri dɔ wɑlɑ iburɑdɑm bineibɑɑi dɔ wɑlɑ hɑibɔrɔ binebɑɑ dɔ. Ammɑ ǹ nɑ ǹ hɛi Ikpɛ dɔ. 14 Sendi di bine tɛ gɑɑhɑm. À gɔrɔ i gɑme. I di ɑ̀ deizɑ, deizɑ kɑ ɑ̀ ci Ize fɔlɔnku ŋmɔne kɑ ɑ̀ hunu zɑ Bɑɑbɑ dɔ. À tɔ ndɑ gomini ndɑ cimi. 15 Yohɑnnɑ tɛ ɑ̀ sɛ sɛdɑ. À nɑ ngɑ jinde zɑɑ kɑ cii: Bɔrɔ kpɛ bɔm no ɑ go wɔne cii, bɔrɔ kɑ ɑ̀ go kɑɑ ɑ bɑndɑ, ɑ̀ nɑ ɑ jinɑ mo. À goono zɑ ǹ mɑnɑ ɑ hɛi. 16 I kulu du bɑ ɑ̀ tɔyom gɑɑ. I du gomini mo gomini bɔm. 17 Moisi gɑɑ no Ikpɛ nɑ fɔndɑ no, ɑmmɑ gomini ndɑ cimi hunu Yesu Mɛsiyɑ dɔ. 18 Bɔrɔ si kɑ ɑ̀ di Ikpɛ bɑ ce fɔ. Ize fɔlɔnku kɑ ɑ̀ goono Bɑɑbɑ jɛndɛ kunɑ, ngɑ yɑ ɑ̀ nɑ ɑ̀ kɑɑtɛrɛ.