"Забур145" - Бо забони балучи.3gp / "Псалом 145" - Hа белуджском языке.3gp / "Psalm145" - In Balochi Language.3gp //
PULOSAY KÁGAD PA RUMIÁN 15 - Degaráni hayálá bebén1Má ke zórmand én, báyad ent nezórén báwarmandáni kamzórián wati baddhá bezurén o bass wati jenday wasshiáni randá mabén. 2Cha má har yakké wati hamsáhegá pa áiay rost o rodómay sharrén maksadá washnód bekant. 3Chiá ke Masih ham wati washnódiay padá naat, anchosh ke nebeshtah ent: “Tai rad o bad kanókáni rad o bad, mani sará kaptagant.” 15:3 Zabur 69:9. 4Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit. 5Nun sabr o delbaddhiay Hodá shomárá anchén zendé bebakshát ke Issá Masihay paymá gón yakdomiá hamdel o hamsetk bebét, 6tán shomá pa hamdeli o hamtawári Hodá, bezán may Hodáwandén Issá Masihay Petá, satá o saná bekanét. 7Nun pa Hodáay shán o shawkatá, shomá yakdomiá hamá paymá wasshátk bekanét o bezurét ke Masihá shomárá zortag. Yahudi o darkawmáni omét 8Shomárá gwashán ke pa Hodáay rástiay pajjáragá, Masih Yahudiáni 15:8 Asligén Yunáni nebeshtánka gwashit: “sonnat kortagénáni”. hezmatkáré butag tánke hamá kawl o wádahán pakká bekant ke bonpirokán dayag butagatant o 9tánke darkawm, Hodáyá pa áiay rahmatán satá o saná bekanant. Anchosh ke nebisag butag: “Paméshká tará kawmáni nyámá satá kanán o tai námá názénán.” 15:9 Samuil Dádgaray Domi Ketáb 22:50; Zabur 18:49. 10Padá gwashag butag: “Oo darkawmán! Gón áiay kawmá shádehi kanét.” 15:10 Sharyatay Domi Rahband 32:43. 11Démterá: “Oo sajjahén kawmán! Hodáwandá benázénét. Jahánay sajjahén ráj áiá satá o saná bekanant.” 5:11 Zabur 117:1.
