[7]. Tachelhit - "Invitation à Connaître Jésus Personnellement".3gp / Tachelhit - "Invitation to Know Jesus Personally".3gp /
1 kurintus 15 =====
1 way‑aytma, riġ ad‑awn‑d‑ssktiġ lḫbar ifulkin lli‑s‑awn‑in‑tbrraḥġ. tsfldm srs tzgam gis 2 tnjmm f‑ssibt‑ns iġ‑sul‑tġwim ġ‑wawal n‑tbrraḥt‑inu. han iġ‑ur‑igi ġmkan, han liman‑nnun bla lfaytt. 3 ašku awal ihiyyan lli‑yyi‑d‑ilkmn, sslkmġ‑awn‑t‑in ula kunni, iniġ‑awn is‑immut lmasiḥ a‑yasi ddnub‑nnġ ġmklli ityaran ġ‑warratn n‑rbbi. 4 ityawmḍal, ityalal ġ‑wis kraḍ‑uwssan ġmklli ityaran. 5 iban‑d ġakudan i‑bṭrus iban‑d ilmma i‑irqqasn s‑sin d‑mraw. 6 iban‑d ilmma i‑uggʷar n‑smmus id‑miyya zġ‑aytmatn ġ‑yat‑twal. iggut gisn mad‑sul‑isuln walaynni kra immut. 7 iban‑d ilmma i‑yaεqub, iban‑d ilmma i‑irqqasn kullutn. 8 ġ‑isiggʷra iban‑iyi‑d ula nkki zund iġ‑giġ yan iluln bla azmz‑ns. 9 nkki mẓẓiġ ġ‑irqqasn. ur‑akkʷ‑sthllaġ ad‑iyi‑ttinin arqqas, ašku kkiġ‑ttin ar‑ssrfufunġ amnaggar n‑rbbi. 10 walaynni rbbi iskr‑iyi afulki ifk‑iyi ad‑gġ mad‑giġ ġilad. urd bla lfaytt ad‑iyi‑iskr afulki, ašku wrriġ ar‑tḫdamġ uggʷar n‑kullu wiyyaḍ, waḫḫa urd nkki a‑t‑iskarn walaynni lbaraka n‑rbbi lli‑dari‑illan. 11 zund nkki zund ntni, ġmkad a‑s‑a‑ntbrraḥ, ġmkad a‑s‑tumnm.
