Este sábado, na sintonía de Radio Obradoiro a partires do mediodía, O Sombreiro de Merlín recibe ao escritor Miguel Ángel Alonso Diz. Con el falaremos do seu traballo creador, do seu xeito de entender a literatura, e das novas obras que xa moi prontiño verán a luz para ledicia de todos: "O valente coello que quixo soñar" (infantil-xuvenil), e "Retorno ao país dos ananos sen moverse da habitación" (poesía social). Falaremos tamén do décimo aniversario de "A Porta Verde do Sétimo Andar", e queremos salientar, asimesmo, un fito moi valioso: o libro "A nena á que non deixaban ser feliz" foi elixida entre unas 10.000 obras polo servicio de educación pública mexicana para estar en todos os colexios e bibliotecas de México. Todo un recoñecemento á obra de Miguel Ángel e, dende logo, a esa marabillosa ilustradora que é Luz Beloso, presente en cada unha destas obras. Parabéns aos dous!
