Sánchez Bugallo finalizou sinalando, que “como composteláns, como galegos, sentímonos absolutamente orgullosos, e como amigos, admiradores e persoas que queríamos a Antonio Fraguas, sentimos que, dalgunha maneira, se lle reparan as inxustizas ou unha parte das inxustizas que se cometeron con el. Antonio Fraguas segue vivo en todos nós, porque segue viva a súa memoria. E ademais seguirá sempre vivo, mentres exista a súa obra, e mentres exista unha rúa que leva o seu nome”.
