2013ko ekainean ezagutu nuen Nawal al Saadawi. Militarrek Anaia Musulmanen aurka egin zuten estatu kolpearen aurreko asteetan, protesta giroa sumatzen zen Kairon. Elkarrizketa bat egin nahi nion eta Saadawik bere etxera joateko esan zidan, han lasaiago egongo ginela argudiatuz. Nola definituko zenuke zure burua? Galdetu nion lehen elkarrizketa hartan. “Gizakia, emakumea, disidentea eta iraultzailea”, erantzun zidan.
