Pergrata mundo nuntiat
aurora solis spicula,
res et colore vestiens
iam cuncta dat nitescere.
Qui sol per aevum praenites,
O Christe, nobis vividus,
ad te cenentes vertimur,
te gestientes perfrui.
Tu Patris es scientia
Verbumque per quod omnia
miro refulgent ordine
mentesque nostras attrahunt.
Da lucis ut nos filii
sic ambulemus impigri,
ut Patris usque gratiam
mores et actus exprimant.
Sincera praesta ut profluant
ex ore nostro iugiter,
et veritatis dulcibus
ut excitemur gaudiis.
Sit, Christe, rex piisime,
tibi Patrique gloria
cum Spiritu Paraclito,
in sempiterna secula.
Amen.
