Polas rúas de Compostela chegamos á gran praza. Románico, plateresco, barroco, neoclásico. Todo está no Obradoiro. Nesta praza vivimos momentos intensos que, ao menos no meu caso, permanecen na miña memoria de neno como algo inesquecible. Así como os cativos de hoxe teñen a Spiderman en diversas versións e con fazañas a todas luces imposibles, a finais dos anos 50 e comezos dos 60, os nenos de onte, acudíamos ao Obradoiro a ver un espectáculo incrible pero real. Daquelas aparecía por Compostela o home araña.
