Os Plans desta semana fan a súa primeira escala na oferta de cine e música que para este sábado propón o festival Outono Códax. Falamos con Xavier Valiño, autor de «Los 100 mejores documentales del rock», gañador do premio ao mellor libro musical de 2022.
Repasamos ademais a oferta de música en directo para este fin de semana e escoitamos a Espiño, Ukestra do Medio, Antonio Zambujo e Maryland. Xosé Lois Romero e Aliboria preséntanos o seu novo tema, a revisión en clave de música tradicional galega de «La Leyenda del tiempo», de Camarón.
