Un venres máis achegámosvos unha nova edición de #OsPlandeCódax o noso #podcast musical presentado por Carlos Crespo coas principais citas musicais da semana:
En Bueu celébrase o Festival SonRías Baixas onde actuarán Sabela, La MODA , La Pegatina, Kase O , Muerdo e SondaRúa, precisamente un dos seus vocalistas cóntanos como será o concerto.
Na Coruña terá lugar o Festival Noroeste onde se darán cita artistas da talla de Marlango, Zahara, Triángulo de Amor Bizarro, Rulo y la Contrabanda, Ptazeta ou Javiera Mena; entre outros.
Na programación das Festas de Peregrina de Pontevedra actuarán Los Brincos, Verto, Xabier Díaz, Adufeiras de Salitre, Carlota Rey, Rodrigo Cuevas e Gustavo Almeida.
En Rianxo haberá outra edición do Antrospinos con Raiba, The Lelli Kelly’s e Fondo Norte no cartel. Tamén esta fin de semana remata O Son do Camiño Perseidas, no monte do Gozo pechando o cartel Loquillo e Melendi o sábado e domingo respectivamente.
En Vigo continúa Terraceo no Auditorio Mar de Vigo coas actuacións esta tarde de Cimafunk e de Jorge Drexler o martes e mércores.
No Náutico de san Vicente actuará esta tarde Néboa, gañadores do premio ao mellor disco galego nos Premios da Música Independiente 2021. Repasamos tamén actuacións en otros locais e salas de concertos no rural coma o Lembranza en Seoane ou A Corte dos Bois en Sandiás. O sábado no chiringo Punta Pinela de O Hío, terá lugar a actuación de Jásper (ex líder de NAO) xunto con Néboa.
Por último, presentamos a novidade discográfica desta semana: “25 Anos Ruxindo”, novo disco no que 32 grupos galegos rinden homenaxe a mítica banda Ruxe Ruxe. Falamos con Bocixa, vocalista da Zenzar, un dos impulsores e produtores deste proxecto e do disco.
