Nova entrega de Os Plans de Códax, que como cada semana selecciona e propón o xornalista musical Carlos Crespo, achéganos á programación das festas de #SanFroilán en Lugo. Tamén ao do festival Festival Underfest de Vigo, no que actúa Mala Rodriguez, con quen tivemos a oportunidade de falar. Tamén charlamos con Rayden, que nos conta como vai ser o seu concerto en Marín. Por outra banda, seguimos sumando salas á programación musical en Galicia: O Encontro reabre o seu escenario con Caamaño&Ameixeiras mentras que no Inn Club estarán Ladilla Rusa. Repasamos o que para esta ponte nos propoñen dende Mardi Gras, Garufa, Krazzy Kray, Salasón, Filomatic, Gatos, A Ventana… onde soarán Pardo, Zenzar, Ruxe Ruxe, Belem Tajes, Los Eternos, Davide Salvado, Allova, Garza ou César Morán, entre outros. Neste #podcast soan tamén Acordeireta, Caamaño&Ameixeiras, Mala Rodríguez, Tauden, Garza e Rebeliom do Inframundo, que nos presentan o seu proxecto Luminarias.