Os Plans de Códax desta semana pasan por 5 festivais: o Morriña Fest, na Coruña; o Atlantic Fest, en Vilagarcía; o Festival de Ortigueira, o Vive Nigrán e o Festival das Carrilanas, en Esteiro. Repasamos a oferta musical de todos eles.
Tamén nos detemos noutros máis pequenos, como o Verbena Fest, de Sarria, o Nicra Rock, de Negreira, así como na Gala Xacobeas que se vai celebrar en Marín, os Solpores en Canido, o Atardecer no Gaiás, o CoraSóns, na Illa de Arousa, ou o Abride a Fiestra, na Casa de Rosalía.
Falamos con dous veteranos ilustres da música española: Miguel Ríos, que pechará o Vive Nigrán, e Josemi Carmona, que abrirá a nova edición de Os Xoves de Códax.
Soan ademais Los Hermanos Cubero, Crystal Fighters, Luar na Lubre, Sexy Zebras, Legítimo Polvo, Leilía e Ukestra do Medio, que nos presentan o seu novo disco.
