Nos Plans 149 soan o tema que hoxe publica Carlos Risco sobre un texto de Lois Pereiro, a canción que A Banda da Loba ven de sacar baseada nun poema de Luisa Villalta, o terceiro adianto do novo disco de A Pedreira coa colaboración de Guadi Galego, o máis recente sinxelo de Espiño e un dos temas do primeiro disco en solitario de Lucía Aldao. Un repaso á festa do premios Martín Códax do pasado mércores e a axenda de concertos completan este podcast.