Como todos os venres, nos Plans de Códax, Carlos Crespo fainos unha escolma entre as propostas musicais en directo que se nos ofrecen esta fin de semana en Galicia. Falamos con Carlos Núñez que celebra o 25 Aniversario de ‘A Irmandade das Estrelas’ na Coruña, Pontevedra, Ferrol e Vigo. Tamén hoxe estrean novidades e podes velos ao vivo Os d’Abaixo e Liska! Entre os plans para o venres subliñamos os concertos de Barbitúricos, Viúda de Gomez e Hijos, Agoraphobia, Moon Cresta, Green T e Músculo!, Las Antonias, Marwan e Bigott, ademais da dobre visita de Amable Dj.
Nos plans para o sábado destacamos o fin de xira de A Banda da Loba e os concertos de Alberto Vilas, Jasper e Nébeda, Rodrigo Ramos, Enxeito, Rebeliom do Inframundo, Ring of Fire, NEO, John Lee Sanders, Té Canela e Skacha, que conmemoran os seus 30 anos en escena, aí é nada.
Nos plans para o domingo atopamos a Quant e a Nil Moliner.
E a novidade discográfica é o debut de Pura Mesura. Ela mesma nos presenta o tema co que se da a coñecer en sociedade.
