Recopilan Os Plans de Códax, da man de Carlos Crespo, a oferta de música en directo que temos esta fin de semana en Galicia. Aitana estará na Coruña e falamos coa súa guitarrista, a pontevedresa Laura Solla. Tamén falamos con Zenet, que hoxe actúa no Bluesfest, no auditorio Mar de Vigo.
Tamén soan Ruxe Ruxe, que estarán no centro Ágora; Copa Turbo, que subirán ao escenario da sala Karma e Cora Velasco, que actúa o domingo na Krazzy Kray. Grande Amore preséntanos en exclusiva «Nunomanía», o single que ven de estrear xunto a Mundo Prestigio.
Tamén asoman por aquí outros interesantes plans, como os concertos de Mike Ross, Luke Winslow & Roberto Luti, Megara e Eternal Psycho, Olatz Salvador, Zeltia e Irevire, Marem Ladson, Oh! Ayatollah, Caamaño & Ameixeiras, Peña, Momboi, Zenzar, Son de Camawey ou Pablo Bicho, entre outros.
