No día de San Xoán detémonos a repasar polo miúdo o cartel do festival Surfing the Lérez, composto na súa totalidade por artistas galegos. Presentamos o terceiro adianto do novo disco de Familia Caamagno. E viaxamos pola xeografía galega á procura do que se nos ofrece en directo, con concertos como os de Ortiga e convidados na Cidade da Cultura, os de Zalomon Gras, Garza, LP, Lou Reyes y los Rockin Corsarios, Los Jinetes del Trópico, Verde Prato, Ruxe Ruxe e Tecor Societario, Marisa Monte ou Caldo. A novidade musical desta semana é o tema conxunto que veñen de publicar Baiuca e Xoel López. É o propio Baiuca quen nolo presenta.
