Na semana da gran festa da música galega, a gala da entrega dos premios Martín Códax, falamos coa presidenta de Músicas ao Vivo, Xiana Lastra, para facer balance desta edición. Tamén nos imos ata o Courel para falar con Xaime Casas, director de Eidos de Outono, festival no que actúan Califato 3/4, Rodrigo Cuevas, Woyza, Uxía, Sila Lua e Babykatze.
Da man de Carlos Crespo repasamos os carteis do Noites do Porto e do Son dos Arrieiros (con Novedades Carminha, Heredeiros da Crus, Bala, Agoraphobia e Terbutalina). E percorremos, como non, a programación das principais salas de concertos de Galicia, polas que pasarán Los Mecánicos, Garufa Blue Devils, Rebeliom do Inframundo, Mad Martin Trío, Rockers Go to Hell, Familia Caamagno, Ailá, Zeltie e Irevire, Dani Barreiro, Eladio y los Seres Queridos, Carolina Rubirosa, Sr Salvaje, Andrea & The Black Cats, Batea. Batrosai, Radio Zappa, Kokoshca, The Buttshakers e moitos outros.
Robe adiántanos algo de como será o seu concerto do domingo en Santiago e os coruñeses Malc preséntannos o seu recén editado primeiro disco.
