É venres. E os venres, en Códax hai plans. Propónnolos Carlos Crespo. Esta vez centrados nos festivais Revenidas, Wos (Work On Sunday) e Festival da Luz e no Encontro Profesional da Música de Galicia e Portugal.
Polo festival de Vilaxoán pasarán estes días Los Chikos del Maíz, Ciudad Jara, Talco Maskerade, Zoo e unha mostra do mellorciño da música que se está a facer en Galicia: Laura Lamontagne & Picoamperio, Xabier Díaz e Adufeiras de Salitre, A Banda da Loba, Guadi Galego, Boyanka Kostova, Mounqup e Monouilous Dop. Falamos co seu responsable Xoán Quintáns.
Tampouco está mal o plantel do festival de Boimorto, no que figuran nomes como Coque Malla, Nil Moliner, Soleá Morente, Obús, Def con Dos Tenores, Alice Wonder, Rodrigo Cuevas e os galegos, Sabela, Verto, Mounoulious Dop, Kings od the Beach, Los Jinetes del Trópico, A Banda de Balbina e Moura.
Do MUMI, que se desenvolve entre en Valença e Tui, cóntanos cousas un dos seis organizadores Manuel Roxo. Alí soarán, por exemplo, Silvia Penide, Barry White Gone Wrong, Jorge da Rocha, Familia Caamagno, Emmy Curl, Uxía, Takatum, Magín Blanco e a Banda das Apertas, Kaustika, Pulpiño Viascón e La Duendeneta.
Tamén repasamos outros plans, como os concertos que nesta finde ofrecerán en moi diversos lugares da nosa xeografía Los Jinetes del Trópico, Mascada, The Lakazans, Xoel López, Zënzar, Sacha na Horta e Liska, Tecor Societario, Os Resentidos, High Paw, Elephant Yard e Modulador de Ondas, Kings of the Beach (na reapertura de La Fábrica de Chocolate de Vigo), Blues do Páis, ás Efémeras e The Tetas Van.
A novidade discográfica e o single adianto do novo disco de Moito! Preséntanola eles mesmos.
