Carlos Crespo achéganos un venres máis as principais citas musicais da fin de semana dende o noso podcast #OsPlandeCódax.
Esta semana falou con Monolious Dop, que fan triplete de concertos, e con Alejo Stivel, de Tequila, polo seu derradeiro concerto en Galicia antes da despedida definitiva da mítica banda.
Repasamos os carteis do Armadiña Rock (con The Teta’s Van, Cuarta Xusta e Dakidarría); do Nachiños Fest (con Sidonie, Joe Crepúsculo, Grande Amore, Ortiga), do Terraceo (con Nely Basrte, Carolina Rubirosa e Rulo y la Contrabanda), do Espazo Fest (con La Bien Querida e Depedro), do Morriña Rock (con Morat e Amaral) e do Ikfem (con Juan Carlos Cambas, Mecánica Popular e Sheila Blanco).
A maiores, Banda Crebinsky actúan en Noia e Moeche, Oh Ayatollah no Go Gozo!, Ukestra do Medio na carballeira de Baio, en Zas, e Blues do País e O Sindicato da Verbena en Valdoviño.
Os plans para o sábado inclúen o concerto de Tandub en Allariz, o de Tanxugueiras e Pablo Lesuit, no faro de Silleiro, en Baiona, dentro do ciclo Concertos na Fin do Mundo, e o de Sés, Gin Toni’s, Xabier Vizcaíno e Fuego Street Band en Ribeira de Pantón.
E para o domingo Guadi Galego, en Ares; Xabier Díaz e Adufeiras de Salitre na Festa do Esquecemento de Xinzo de Limia; Pauliña, no Derrubando muros coa pintura, en Carballo; e Xosé Lois Romero e Aliboria, no Folk no Alobre, en Vilagarcía
Lembramos tamén a programación da Romaría de Santa Margarida, na Coruña, con 3 Pesos, Tiruleque, Xurxo Fernandes, Os d'Abaixo Leilía e Joel Padín.
E rematamos cunha novidade musical publicada hoxe mesmo: o remix que de “Como Son Goku”, de Verto, fixeron Eme Dj e David van Bylen.
